Рэспубліканскае маладзёжнае грамадскае аб’яднанне «Студэнцкае этнаграфічнае таварыства» (далей па тэксце РМГА «СЭТ») – грамадскае аб’яднанне моладзі, згуртаванай на глебе каштоўнасцяў беларускай традыцыйнай этнічнай культуры.
<…>
2.1. Мэтамі РМГА «СЭТ» з’яўляюцца:
– захаванне, развіццё і забеспячэнне пераемнасці беларускай аўтэнтычнай культурнай традыцыі;
– захаванне і аднаўленне натуральнага асяроддзя існавання традыцыйнай этнічнай культуры, беларускага прыроднага і культурнага ландшафту;
– пераадоленне крызісу духоўнасці ў сучасным беларускім грамадстве на аснове каштоўнасцяў традыцыйнай культуры.
2.2. Зыходзячы з гэтых мэтаў, РМГА «СЭТ» ставіць перад сабой наступныя задачы:
– даследаванне беларускай традыцыйнай культуры на навуковай аснове;
– прапаганда каштоўнасцяў традыцыйнай культуры, яе рэпрэзентацыя ў грамадстве;
– рэактуалізацыя каштоўнасцяў традыцыйнай культуры ва ўмовах сучаснага грамадства.
2.3. Прадметам дзейнасці РМГА «СЭТ» з’яўляецца: дзейнасць, накіраваная на развіццё беларускай традыцыйнай этнічнай культуры.
2.4. Для дасягнення статутных мэтаў і задач РМГА «СЭТ» ажыццяўляе ў адпаведнасці з заканадаўствам Рэспублікі Беларусь наступныя метады дзейнасці:
– збірае, сістэматызуе, даследуе этнаграфічныя матэрыялы, ладзіць этнаграфічныя экспедыцыі;
– праводзіць даследаванні ў галіне традыцыйнай культуры, публікуе матэрыялы і вынікі даследаванняў, арганізуе навуковую працу студэнтаў, ладзіць навуковыя семінары, канферэнцыі;
– распрацоўвае метадычныя матэрыялы для выкарыстання ў навучальным і выхаваўчым працэсе;
– папулярызуе свае ідэі праз друкаваныя выданні, сродкі масавай інфармацыі;
– вядзе асветніцкую дзейнасць, праводзіць культурна-асветніцкія, мастацкія акцыі, народныя святы і абрады, мерапрыемствы экалагічнага характару;
– здзяйсняе вытворчую дзейнасць на аснове народных рамёстваў і дэкаратыўна-прыкладнога мастацтва;
– супрацоўнічае з навуковымі арганізацыямі, установамі адукацыі і культуры;
– садзейнічае ўліку і ахове гісторыка-культурных помнікаў, помнікаў прыроды, якія маюць культурнае значэнне;
– стварае маладзёжныя гурткі, клубы па інтарэсах, згодна з мэтамі і задачамі РМГА «СЭТ»;
– ажыццяўляе іншыя метады дзейнасці, не забароненыя заканадаўствам.
<…>
3.1. Сяброўства ў РМГА «СЭТ» фіксаванае. Сябрамі РМГА «СЭТ» могуць быць студэнты, навучэнцы, маладыя навукоўцы і іншыя асобы, грамадзяне Рэспублікі Беларусь і іншых краін, якія дасягнулі ўзросту 16 гадоў, прызнаюць мэты РМГА «СЭТ» і бяруць удзел у ягонай дзейнасці.
<…>
3.3. Прыём у сябры ажыццяўляе Сход РМГА «СЭТ» на падставе пісьмовай заявы і рэкамендацыі не менш як аднаго сябра РМГА «СЭТ». Рашэнне прымаецца большасцю галасоў дэлегатаў, якія прымаюць удзел у Сходзе.
<…>
3.6. Сябра РМГА «СЭТ» мае права:
– удзельнічаць у мерапрыемствах РМГА «СЭТ»;
– абіраць і абірацца ў выбарныя органы РМГА «СЭТ»;
– карыстацца ўсімі формамі дапамогі РМГА «СЭТ».
<…>
3.8. Сябра РМГА «СЭТ» абавязаны:
– выконваць патрабаванні гэтага Статута;
– прымаць актыўны ўдзел у працы РМГА «СЭТ»;
– не рабіць учынкаў, што несумяшчальныя з прынцыпамі РМГА «СЭТ», шкодзяць РМГА «СЭТ» або ягонай рэпутацыі.
<…>
