Спеўны летнік СЭТ

 

З 11 па 16 ліпеня ў в. Хатынічы Ганцавіцкага раёна адбыўся першы спеўны летнік СЭТ. Удзел у ім прынялі каля 30 чалавек з Беларусі, Літвы і Латвіі.

Праграма летніка ўключала ў сябе спевы з аўтэнтычнымі выканаўцамі в.Хатынічы і в.Задуб’е, практычныя заняткі па спевах (выкл. Ірына Мазюк, Дзяніс Сухі, Ганна Сілівончык), лекцыі (выкл. Ірына Мазюк) і прагляд этнаграфічных фільмаў Зінаіды Мажэйка.

Акрамя гэтага, удзельнікі летніка пазнаёміліся са спеўнай спадчынай балцкіх краін. Laura Lukenskienė (гурт “Kadujo”, Літва) правяла лекцыю і практычныя заняткі па літоўскіх традыцыйных спевах “сутарцінас”, Anete Simanovska (гурт «Trokšņu iela», Латвія) распавяла аб латыскай спеўнай традыцыі, у т.л. традыцыі бурдоннага спеву.

Увесь астатні час быў запоўнены танцамі, спевамі і заняткамі па інструментальнай музыцы J.

Спадзяемся, што ўдзельнікі летніка зрабілі для сябе шмат адкрыццяў і натхніліся на тое, каб працягнуць спасціжэнне традыцыйнага спеву і надалей!

13690886_1023448291057435_382487727512342596_n 13707689_1023439561058308_3043165756871934870_n 13707773_1023455721056692_5015240871930547950_n 13718793_1023452871056977_6123094155981121809_n 13726663_10206672514864973_3199124793523471704_n 13731618_1023458661056398_4568822200781595713_n 13754333_1023437087725222_5423908845220971404_n